आई
#आई
@सपना काकडे.
●जेव्हा चपाती भाजताना बसतो वाफेचा चटका....
तेव्हा आई आठवते.
●जेव्हा दुखत असेल काही आणी राञभर झोप लागत नाही...
तेव्हा आई आठवते.
●जेव्हा कडकडून भूक लागते..आणि डब्यात नसते काही.. आपले आपल्यालाच करावे लागते..
तेव्हा आई आठवते.
●जेव्हा शाॅपिंग करताना .."आवडले तर घेऊन टाक हे पण..माझ्यातर्फे घे" हे शब्द नसतात..
तेव्हा आई आठवते.
●जेव्हा सहलीला जाताना विकतचे पदार्थ घ्यावे लागतात,नसतो प्रेमाने दिलेला घरचा खाउ जवळ..
तेव्हा आई आठवते.
●जेव्हा आपलेच लेकरू देते एखादे उलटे उत्तर आणि डोळ्यात येते टचकन पाणी..
तेव्हा आई आठवते.
● जेव्हा काम करुन थकते तन आणि कौतुकासाठी असते तरसलेले मन
तेव्हा आई आठवते.
●जेव्हा महिन्याच्या त्या चार दिवसांत खूप ञास होतो..
तेव्हा आई आठवते.
● जेव्हा आपल्याकडून काही चांगले झाले..आणि "आईचेच गुण आले हो"अशी कुणी पावती देते..
तेव्हा आई आठवते.
●जेव्हा मनात साचलेल्या गोष्टी ऐकायला कुणी नसते..झालेली चिडचिड व्यक्त करायला हक्काची व्यक्ती नसते.
तेव्हा आई आठवते.
●"तू कर तूझे काम..बाकीचे मी बघते"..हे मी मुलीला सांगत असते..
तेव्हा आई आठवते.
●जेव्हा ठराविक वेळेला वाजणारा Mom नावाचा काॅल..त्या त्या वेळेला वाजत नाही..
तेव्हा आई आठवते.
@#सपना_काकडे
..आईची काळजी घ्या...तीला शक्य तेवढा वेळ द्या...निदान रोजचा एक फोन तरी..
क्योंकी..जो है समा.. कल हो ना हो...
Tags
Share Story On
This is a PULA community post, written by one of our Writer.The content in this post belong to their respective owners. If you feel that any content posted here is a violation of your copyright, please write to us at info@pulapuneladies.com and we will take it down. There has been no commercial exchange by PULA Exclusives Pvt Ltd for the publication of this article.